Vrasja e një gruaje 25-vjeçare shtatzënë në Malishevë ka rikthyer shqetësimet për efektivitetin e mekanizmave shtetërorë kundër dhunës ndaj grave në Kosovë. Rrjeti i Grave të Kosovës thekson se këto ngjarje nuk janë rastësi, por tregues të dështimeve sistemike në parandalimin dhe trajtimin e dhunës në familje. Zëvendëskryeministrja dhe ministrja në detyrë e Drejtësisë, Donika Gërvalla, ka kërkuar bashkëpunim të plotë mes institucioneve dhe ka premtuar zero tolerancë ndaj dhunës, duke theksuar përgjegjësinë institucionale për mbrojtjen e jetës së grave. Rrjeti i Grave kërkon zbatim efektiv të urdhrave mbrojtës, vlerësim të rrezikut dhe përgjegjësi për dështimet, duke rikujtuar edhe rastin e Hamide Magashit, e cila u vra pavarësisht urdhërit mbrojtës aktiv.