Një rast i dhunës në familje është regjistruar në Gjakovë, ku një burrë dyshohet se ka sulmuar fizikisht bashkëshorten e tij për arsye të parëndësishme. Ngjarja ka ndodhur në rrugën “Lekë Dukagjini”, ku i dyshuari B.R. ka goditur me grushte gruan N.R., duke e dëmtuar në trup dhe dorë. Viktima ka deklaruar se dhuna kishte ndodhur edhe më parë, por nuk ishte raportuar më parë dhe ka refuzuar trajtimin mjekësor si dhe strehimin, duke u larguar nga banesa dhe strehuar te familjarët. Policia ka arrestuar të dyshuarin dhe ai është ndaluar për 48 orë me vendim të prokurorit, ndërsa rasti është në hetim.