Një ngjarje tragjike ka ndodhur në qytetin francez të Nantesit, ku një 15-vjeçar u vra me armë zjarri, ndërsa dy të mitur të tjerë mbetën të plagosur gjatë një sulmi të lidhur me trafikun e drogës. Sulmuesit, që lëviznin me motoçikletë, hapën zjarr ndaj tre adoleshentëve në hyrje të një pallati, duke ndjekur një prej tyre deri në katin e 13-të, ku ai ishte strehuar. Një 13-vjeçar ndodhet në gjendje kritike në spital, ndërsa një tjetër 14-vjeçar është jashtë rrezikut për jetën. Autoritetet franceze dyshojnë se ngjarja është rezultat i një larje hesapesh mes grupeve kriminale të trafikut të drogës, duke tronditur komunitetin për shkak të moshës së re të viktimave.