Prokuroria Themelore Publike e Kumanovës ka nisur procedurë penale ndaj tre vajzave, përfshirë dy të mitura, për dhunë ndaj një bashkëmoshatareje 14-vjeçare. Ngjarja ka ndodhur më 13 mars, kur viktima u ftua të dilte jashtë shtëpisë dhe u sulmua fizikisht në një dhomë të braktisur pranë qendrës sportive "Sokolana". Sulmueset e kanë fyer, goditur dhe kërcënuar me jetë, ndërsa incidenti u regjistrua në video dhe u shpërnda në rrjetet sociale. Pas publikimit të videos, prokuroria ndërmori masa të menjëhershme, duke kërkuar masa paraprake ndaj të rriturit dhe duke nisur procedurat për të miturat, me qëllim mbrojtjen e viktimës dhe ndjekjen ligjore të autorëve.