Në sheshin “Zahir Pajaziti” në Prishtinë po zhvillohet një aksion dhurimi gjaku në nder të Dëshmorëve të Komunës së Prishtinës. Ky aktivitet është organizuar nga Komuna e Prishtinës, ndërsa kryetari i saj, Përparim Rama, ishte prezent për të parë nga afër pjesëmarrjen e qytetarëve. Një nga doktorët që merr pjesë në këtë aktivitet theksoi interesin e madh të qytetarëve për dhurim gjaku dhe rëndësinë e këtij veprimi për pacientët në klinika dhe rajone të ndryshme. Ai gjithashtu shpjegoi se grupi zero pozitiv është më i kërkuari dhe se grupet më të rralla të gjakut janë gjithmonë të nevojshme dhe nuk mungojnë në këtë aksion.