Prokuroria e Shtetit dhe Policia e Kosovës kanë intensifikuar bashkëpunimin për të mbrojtur integritetin e zgjedhjeve të 7 qershorit dhe për të parandaluar keqpërdorimet e votës. Janë identifikuar disa persona nga diaspora që kanë fotografuar dhe incizuar votën e tyre me postë dhe e kanë publikuar në rrjetet sociale, duke shkelur rregullat zgjedhore. Për këto raste janë formuar ekipe kujdestare nga prokurorë dhe policë që po verifikojnë dhe trajtojnë çdo parregullsi gjatë procesit zgjedhor. Institucionet kanë paralajmëruar se çdo shkelje do të ndëshkohet sipas ligjit dhe kanë bërë thirrje që qytetarët të mos bëjnë publike votën e tyre.