Në orët e para të mëngjesit në lagjen Nr. 1 të Pogradecit, pranë “Kapri Center”, një automjet u përfshi nga flakët. Shërbimi Zjarrfikës mori njoftimin rreth orës 02:50 dhe ndërhyri menjëherë, duke shuar zjarrin dhe izoluar zonën për të parandaluar përhapjen e flakëve në objekte të tjera. Në vendngjarje mbërriti edhe policia, e cila nisi hetimet për të zbardhur rrethanat e ngjarjes. Aktualisht pritet një deklaratë zyrtare për të përcaktuar nëse zjarri ishte aksidental apo i qëllimshëm.