Eralbi Breçani, djali i ish-nëndrejtorit të Policisë së Tiranës, Erzen Breçani, është vetëdorëzuar në Spanjë pasi ishte shpallur në kërkim nga SPAK për trafik ndërkombëtar të narkotikëve. Ai dyshohet për trafikimin e 446 kilogramëve kokainë nga Amerika e Jugut drejt Holandës, ngarkesë që u sekuestrua në vitin 2021. Breçani akuzohet për veprat penale të trafikut të narkotikëve, pjesëmarrjes në grup të strukturuar kriminal dhe pastrimit të produkteve të veprës penale, në bashkëpunim edhe me të atin dhe persona të tjerë. Ai ka deklaruar se do të përballet me drejtësinë në Shqipëri dhe pritet të ekstradohet drejt vendit tonë.