Dogana e Kosovës ka asgjësuar 4 mijë copë preparate të falsifikuara për larje dhe pastrim që mbanin në mënyrë të paautorizuar markën tregtare “Ariel”. Këto mallra u sekuestruan pas dyshimeve për shkelje të të drejtave të pronësisë intelektuale dhe pas verifikimeve dhe procedurave ligjore, gjykata nxori vendim për asgjësimin e tyre. Dogana thekson se produktet e falsifikuara përbëjnë rrezik për shëndetin e qytetarëve dhe sigurinë publike, pasi nuk i nënshtrohen kontrolleve të cilësisë dhe standardeve të sigurisë. Ky veprim është kryer në përputhje me legjislacionin në fuqi dhe nën mbikëqyrje doganore, duke dëshmuar përkushtimin e Doganës në luftimin e tregtisë së paligjshme dhe mbrojtjen e konsumatorëve.