Dogana e Kosovës ka zbuluar mallra të padeklaruara gjatë kontrollit të një dërgese në Zyrën Doganore të Prishtinës. Bëhet fjalë për preparate për trajtimin e flokëve pas implantit, me vlerë rreth 13 mijë euro, të cilat nuk ishin përfshirë në dokumentacionin doganor. Pas verifikimeve, mallrat janë ndaluar dhe konfiskuar në përputhje me ligjin për të parandaluar shmangien nga detyrimet doganore. Autoritetet doganore theksuan se rasti është trajtuar sipas legjislacionit në fuqi për të siguruar zbatimin e rregullave doganore.