Dogana e Kosovës ka zbuluar një depo të paregjistruar në periferi të Prishtinës ku ruheshin mallra të dyshuara për kontrabandë me vlerë mbi 500 mijë euro. Kontrolli u realizua më 27 shkurt 2026, bazuar në informata operative, dhe gjatë tij u gjetën sasi të konsiderueshme mbathjesh me marka të mbrojtura tregtare pa dokumentacion të ligjshëm. Prokuroria Themelore në Prishtinë është njoftuar dhe ka udhëzuar zyrtarët doganorë për veprime hetimore të mëtejshme. Aktualisht, mallrat janë sekuestruar dhe po inventarizohen, ndërsa Dogana thekson përkushtimin e saj në luftën kundër kontrabandës dhe mbrojtjen e ekonomisë formale dhe të drejtave të pronësisë intelektuale.