Në Pikën e Kalimit Kufitar Vërmicë, autoritetet doganore të Kosovës kanë zbuluar mallra të padeklaruara gjatë kontrollit të një automjeti që po hynte në territorin e vendit. Udhëtari kishte mohuar praninë e mallrave për deklarim, por në bashkëpunim me Policinë e Kosovës, automjeti u kontrollua në vijën e dytë. Gjatë kontrollit u gjetën mallra me vlerë doganore prej 13,877.32 euro, ndërsa shmangia nga detyrimet doganore u vlerësua në 4,135.44 euro. Dogana e Kosovës ka ndërmarrë të gjitha veprimet ligjore të nevojshme për zbatimin e rregullave doganore dhe luftimin e ekonomisë joformale.