Dogana e Kosovës ka parandaluar futjen e 610 produkteve kozmetike dhe të kujdesit personal të padeklaruara në pikën kufitare të Vërmicës. Gjatë kontrollit të një automjeti që po hynte në vend, zyrtarët doganorë zbuluan produkte të ndryshme për kujdesin e lëkurës, flokëve, maska për fytyrë dhe parfume të markave të njohura. Drejtuesi i automjetit kishte deklaruar se nuk kishte mallra për deklarim, por pas kontrollit të detajuar u konstatua kundërvajtje doganore për mosdeklarim të mallrave. Autoritetet kanë ndërmarrë veprimet procedurale sipas legjislacionit në fuqi, ndërsa Dogana ka bërë thirrje që çdo mall që tejkalon kufijtë e lejuar të deklarohet për të shmangur shkeljet ligjore.