Gjatë një kontrolli rutinor në Pikën e Kalimit Kufitar Vërmicë, Dogana e Kosovës ka ndaluar një automjet Volkswagen që po hynte në vend me mallra të natyrës komerciale të padeklaruara. Kontrolli fizik zbuloi disa thasë të mbushur me mallra me vlerë rreth 15,000 euro, të cilat drejtuesi i automjetit nuk i kishte deklaruar. Ai mohoi posedimin e mallrave ose mjeteve monetare për t’i paraqitur pranë autoriteteve doganore gjatë intervistimit. Mallrat u ndaluan përkohësisht dhe janë nisur procedurat administrative për përcaktimin e përgjegjësisë dhe masat ligjore përkatëse.