Fazli Ndrecaj, i shumëkërkuari dhe në arrati që nga 7 tetori i vitit të kaluar, është dorëzuar në stacionin policor të Suharekës i shoqëruar nga avokati i tij, Blerim Mazreku. Ai dyshohet për përfshirje në një rast të madh me 500 kilogramë marihuanë, si dhe për veprat penale të kultivimit, posedimit dhe shitjes së paautorizuar të lëndëve narkotike, si dhe mbajtjes pa leje të armëve. Ndrecaj ishte i armatosur dhe kishte kanosur banorët e zonës së Suharekës, duke shkaktuar shqetësim për sigurinë publike. Pas dorëzimit, Njësia e Hetimit të Trafikimit me Narkotikë në konsultim me prokurorin do të vazhdojë me procedurat ligjore për rastin.