Dragan Ristiq është liruar nga akuza për krime lufte nga Gjykata Themelore në Prishtinë, ku trupi gjykues vendosi ndërprerjen e masës së paraburgimit dhe mbrojtjen në liri. Ai akuzohej për veprime të kryera gjatë luftës në Kosovë në periudhën 1998–1999, përfshirë vrasje, keqtrajtime, arrestime dhe shkatërrime të pasurisë së popullsisë civile shqiptare në Gjakovë. Sipas aktakuzës së ngritur nga Prokuroria Speciale më 27 qershor 2025, Ristiq kishte marrë pjesë në sulmin me dhunë në një shtëpi në rrugën “Bajram Curri” më 10 maj 1999, së bashku me forcat policore dhe ushtarake serbe. Gjyqtari Rrahman Beqiri theksoi se nga të gjitha provat nuk u arrit të vërtetohej se Ristiq ishte kryes i veprave penale për të cilat akuzohej.