Një ngjarje me tension të lartë u zhvillua më 21 gusht në Mitrovicë, ku një 17-vjeçar në krizë psikologjike u vu në qendër të një situate të rrezikshme. I riu ndodhej në katin e shtatë të një ndërtese dhe filloi të hedhë sende të ndryshme, si vazo lulesh dhe karrige, duke rrezikuar kalimtarët dhe automjetet poshtë. Policia ndërhyri duke thyer derën e banesës për të shmangur përshkallëzimin e situatës dhe për të siguruar të miturin. Pas konsultimit me prokurorin, rasti u trajtua si “Shkaktim i rrezikut të përgjithshëm”, ndërsa 17-vjeçari u dërgua për trajtim psikiatrik në QKUK.