Gjykata Themelore në Prishtinë ka liruar nga të gjitha pikat e aktakuzës Sami Lushtakun në rastin “Drenica 1”, pas një procesi gjyqësor që zgjati më shumë se 13 vjet. Mërgim Lushtaku, deputet i PDK-së dhe djali i Sami Lushtakut, reagoi duke e cilësuar këtë vendim si një drejtësi të vonuar. Ai shprehu shpresën që edhe të gjithë çlirimtarët e tjerë, të cilët sipas tij po mbahen padrejtësisht në paraburgim dhe përballen me procese të zgjatura, të lirohen sa më parë. Reagimi i tij u bë përmes një postimi në Facebook, duke theksuar rëndësinë e këtij akti për drejtësinë në vend.