Ministria e Punëve të Brendshme njoftoi ndalimin e drejtorit të një qendre arsimore në Shtip, i cili dyshohet për prekjen e trupave të disa nxënësve të mitur gjatë mësimit plotësues. Ngjarja u raportua nga prindërit në prani të nxënësve dhe përfaqësuesve të Qendrës Ndërkomunale për Punë Sociale në Shtip. Me urdhër të gjykatës u kryen bastisje në shtëpinë e tij dhe në qendrën arsimore, ku u sekuestruan sende për hetime të mëtejshme. Drejtori, 65 vjeç, është ndaluar dhe gjykata ka urdhëruar paraburgim prej 30 ditësh, ndërsa ndaj tij është ngritur kallëzim penal.