Gjykata Themelore në Prishtinë ka dënuar ish-shefin e Agjencisë Kosovare për Inteligjencë, Driton Gashin, me 4 vjet e 8 muaj burgim për keqpërdorim të pozitës zyrtare në rastin e dëbimit të gjashtë shtetasve turq nga Kosova në mënyrë të kundërligjshme. Gashi akuzohej se kishte tejkaluar kompetencat e tij duke organizuar dhe përfshirë AKI-në në operacionin e dëbimit, pa njoftuar institucionet e larta të shtetit dhe duke shkelur procedurat ligjore. Gjykata gjithashtu i ndaloi Gashit ushtrimin e funksionit në administratë publike për katër vite pas vuajtjes së dënimit me burg dhe e detyroi të paguajë shpenzimet e procedurës gjyqësore. Në këtë rast, dy të tjerë, Valon Krasniqi dhe Rrahman Sylemani, ishin liruar nga akuza, ndërsa Gjykata e Apelit kishte kthyer çështjen në rigjykim vetëm për Gashin.