Ish-deputeti dhe ish-zëvendëskryeministri i Kosovës, Driton Selmanaj, iu nënshtrua pesë ditë më parë një operacioni të komplikuar në boshtin kurrizor, pas dhimbjeve të forta dhe vështirësive në ecje që e kishin penguar në jetën e përditshme. Ai njoftoi se ndërhyrja kirurgjikale ishte e suksesshme dhe falënderoi specialistin e neurokirurgjisë, dr. Armend Kërveshin, si dhe stafin mjekësor për kujdesin e treguar gjatë gjithë procesit. Selmanaj shprehu mirënjohje edhe për familjen, miqtë dhe të gjithë ata që i kanë qëndruar pranë me mbështetje dhe lutje. Ai theksoi se tani ndihet më mirë dhe po kalon një periudhë rikuperimi, duke vlerësuar shëndetin si bekimin më të madh.