Gjatë një bastisjeje rutinë në Qendrën Korrektuese të Dubravës më 6 korrik, rreth orës 08:30, autoritetet kanë gjetur dy qese të mbështjella me plastikë pranë sallës së vizitave, që përmbanin rreth 125 gramë marihuanë. Substanca narkotike u sekuestrua dhe menjëherë u njoftua Njësia për Hetimin e Trafikimit me Narkotikë në Pejë, e cila ka nisur hetimet për këtë rast. Me urdhër të Prokurorit të Departamentit për Krime të Rënda, rasti është iniciuar për veprën penale “Posedim i paautorizuar i narkotikëve”. Aktualisht nuk ka persona të dyshuar, ndërsa autoritetet po punojnë për të zbuluar mënyrën se si droga ka arritur të futet brenda perimetrit të burgut.