Shërbimi Korrektues i Kosovës ka parandaluar futjen e substancave të dyshuara narkotike në burgun e Dubravës gjatë një kontrolli rutinor të vizitorëve. Droga u gjet e fshehur në pampersin e një fëmije të mitur, duke ndaluar kështu tentimin për të futur narkotikë në pavionin D. Pas zbulimit, vizita u anulua menjëherë dhe Policia u njoftua për hetime të mëtejshme. Ndërkohë, ndaj të burgosurit të dyshuar janë ndërmarrë masa disiplinore dhe ai është transferuar në tretman themelor deri në përfundim të hetimeve, ndërsa SHKK thekson përkushtimin e tij në luftën kundër dukurive të kundërligjshme brenda institucioneve korrektuese.