Në Prizren janë therur me thikë dy persona të moshës 19 vjeçare gjatë natës së 28 qershorit 2026. Njëri prej tyre ka pësuar plagë të shumta në shpinë dhe bel, duke u pranuar për trajtim të mëtejshëm në Repartin e Kirurgjisë të Spitalit të Përgjithshëm “Prim. Dr. Daut Mustafa”. Pacienti i dytë ka marrë një plagë në kofshën e djathtë dhe pas trajtimit në Shërbimin e Emergjencës është liruar për në shtëpi. Spitali ka kryer të gjitha ekzaminimet mjekësore dhe radiologjike të nevojshme dhe ka ofruar trajtimin fillestar, ndërsa policia e Kosovës nuk ka dhënë ende detaje për ngjarjen.