Një ngjarje tragjike ka tronditur Ilioupolin e Athinës, ku dy vajza 17-vjeçare u hodhën nga tarraca e një pallati gjashtëkatësh në rrugën “Eleftheriou Venizelou”. Sipas dëshmive dhe hetimeve të para, ato kishin mbyllur derën e tarracës para se të hidhnin veten, ndërsa njëra prej tyre jetonte në katin e dytë të ndërtesës. Njëra nga vajzat humbi jetën në vend, ndërsa tjetra ndodhet në gjendje tepër kritike në spitalin Asklepieio të Vulës, ku mjekët po luftojnë për jetën e saj. Një shënim i lënë nga njëra prej tyre përmendte presionin dhe ankthin e shkaktuar nga provimet kombëtare të maturës në Greqi, të njohura si “Panellinies”, duke hedhur dritë mbi motivet e mundshme të kësaj tragjedie.