Një ngjarje e rëndë tronditi Greqinë kur dy vajza 17-vjeçare u hodhën nga tarraca e një pallati, duke humbur jetën njëra në vendngjarje dhe tjetra pas disa ditësh në spital. Sipas autoriteteve, dy adoleshentet kishin lënë shënime personale ku përmendnin depresionin dhe frikën për të zhgënjyer prindërit e tyre për shkak të provimeve të maturës. Familjet po përballen me një humbje të dyfishtë dhe kanë bërë thirrje që në vend të kurorave mortore të bëhen donacione për organizatën “Buzëqeshja e Fëmijës” në kujtim të vajzave. Hetimet vazhdojnë për të sqaruar plotësisht rrethanat e tragjedisë që ka tronditur opinionin publik në Greqi.