Gjatë 24 orëve të fundit në Kosovë janë regjistruar dy aksidente trafiku me fatalitet, 32 aksidente me persona të lënduar dhe 23 me dëme materiale. Një nga rastet tragjike ndodhi në fshatin Fushticë e Poshtme të Drenasit, ku një i mitur duke drejtuar makinën shkaktoi vetaksident dhe më pas ndërroi jetë në QKUK. Rasti tjetër fatal lidhet me një aksident në fshatin Jabllanicë të Pejës më 15 qershor, ku pas përfshirjes së dy veturave, një femër kosovare e lënduar humbi jetën më 17 qershor në Spitalin e Pejës. Policia ka shqiptuar gjithsej 2,420 tiketa trafiku gjatë kësaj periudhe dhe ka njoftuar prokurorinë dhe Institutin e Mjekësisë Ligjore për veprimet e mëtejshme.