Mëngjesin e së dielës, rreth orës 09:45, një aksident i rëndë u regjistrua në aksin rrugor Peqin-Rrogozhinë, pranë kryqëzimit të Gjocajt, ku u përplasën dy automjete. Një nga drejtuesit e mjeteve mbeti i plagosur dhe u dërgua në spital për ndihmë mjekësore, ndërsa njëra prej veturave pësoi dëme të mëdha. Dyshohet se shkak i aksidentit ishte futja në rrugën kryesore e njërit prej mjeteve pa respektuar rregullat e qarkullimit rrugor. Policia ka nisur hetimet për të zbardhur plotësisht rrethanat dhe përgjegjësitë, ndërsa ky është aksidenti i dytë brenda pak orësh në këtë segment rrugor, pas një përplasjeje të mëparshme në afërsi të fshatit Karinë.