Në qytetin e Ferizaj, brenda një ore janë regjistruar dy raste të ndara të posedimit të paautorizuar të narkotikëve, ku policia ka arrestuar dy persona dhe ka sekuestruar substanca narkotike. Rasti i parë ndodhi rreth orës 21:30 në rrugën Sali Çeku, ku një i dyshuar kosovar u arrestua pasi gjatë kontrollit iu gjetën dhe iu sekuestruan 2.92 gramë kokainë e ndarë në disa qese, si dhe një telefon mobil. Një orë më vonë, në rrugën Brigada 161, policia arrestoi një shtetas shqiptar, në banesën e të cilit u gjetën 34.44 gramë marihuanë, një mulli për bluarje, letra mbështjellëse, telefon dhe para të gatshme. Të dy të dyshuarit janë dërguar në mbajtje me vendim të prokurorit, ndërsa hetimet për ngjarjet vazhdojnë.