Në orët e para të mëngjesit në zonën e Skelës në Vlorë, dy automjete, një Mercedes foristradë dhe një BMW, u përfshinë nga flakët. Zjarri nisi në pjesën e përparme të Mercedes-it dhe u përhap shpejt duke përfshirë edhe automjetin tjetër të parkuar pranë. Shërbimet zjarrfikëse ndërhynë menjëherë dhe arritën të shuajnë flakët, por të dy mjetet pësuan dëme të konsiderueshme materiale. Policia ka nisur hetimet, duke sekuestruar pamjet e kamerave të sigurisë për të zbuluar shkakun e zjarrit, ndërsa nuk raportohet për persona të lënduar dhe nuk dihet ende nëse zjarri ishte aksidental apo i qëllimshëm.