Drejtoria e Policisë Financiare në Maqedoninë e Veriut ngriti kallëzim penal ndaj dy personave, M.Sh. dhe Zh.R., si drejtues të një personi juridik, për shmangie tatimore në vlerë prej 7.4 milionë denarësh. Ata dyshohet se kanë paraqitur të dhëna të rreme në bilancin tatimor për vitin 2020 dhe nuk kanë dorëzuar fare bilance për vitet 2021 dhe 2022, duke fshehur kështu aktivitetet e tyre financiare. Gjithashtu, kanë tërhequr fonde nga llogaritë bankare të kompanisë dhe kanë bërë pagesa të pajustifikuara, pa prova ekonomike, duke dëmtuar buxhetin shtetëror. Kallëzimi përfshin mosdeklarimin dhe mospagesën e tatimit mbi fitimin dhe tatimit mbi të ardhurat personale në shumën totale prej mbi 7.4 milionë denarësh.