Tre ditë më parë, Barjam Sulejmani humbi punishten ku kishte punuar për më shumë se 30 vite, pasi ajo u përfshi nga flakët. Sot, zjarri ka shkrumbuar edhe banesën ku ai jetonte me qira së bashku me bashkëshorten, duke i lënë ata në qiell të hapur. Banorët dyshojnë se shkak i zjarrit mund të ketë qenë një shkëndijë elektrike, ndërsa ndërhyrja e zjarrfikësve nuk ka mundur të shpëtojë banesën. Fatmirësisht, nuk ka persona të lënduar, por dëmet janë tërësisht materiale, dhe çifti pret ndihmën e fqinjëve për të gjetur një strehë të re.