Dy fëmijë të moshës tre dhe katër vjeç nga një fshat i Kumanovës u dërguan për kontroll mjekësor pasi dyshohet se u helmuan nga një lëng që përdoret për kulturat bujqësore. Rasti u raportua në polici nga një mjek i Spitalit të Përgjithshëm në Kumanovë, dhe pas kontrollit fillestar, fëmijët u transferuan në Kompleksin e Klinikave “Nënë Tereza” në Shkup për trajtim të mëtejshëm. Policia ka nisur hetimet për të zbardhur shkaqet e helmimit dhe për të marrë masat e nevojshme. Sipas spitalit, fëmijët ndodhen në gjendje të mirë dhe me parametra vitalë stabilë, ndërsa trajtimi po vazhdon në Klinikën Universitare për Sëmundje të Fëmijëve në Shkup.