Qendra Klinike Universitare e Kosovës ka nisur që nga tetori i vitit të kaluar një program screening neonatal për pesë sëmundje të rënda, duke përfshirë fibrozën cistike, fenilketonurinë, galaktozeminë, hipotiroidizmin kongjenital dhe së shpejti atrofinë spinale muskulare. Deri më tani janë testuar mbi 2,100 foshnje, ku dy prej tyre janë diagnostikuar me fibrozë cistike dhe po marrin trajtim të hershëm mjekësor për të parandaluar komplikimet e mëtejshme. Testimi bëhet përmes një pike gjaku të marrë nga thembra e foshnjës, një metodë e thjeshtë, e sigurt dhe falas, që prindërit nuk e kanë refuzuar. Në të ardhmen, ky screening do të zgjerohet edhe në spitalet rajonale dhe institucionet private, ndërsa laboratorët në QKUK kanë kapacitetet dhe pajisjet e nevojshme për të kryer analizat dhe trajtimin e rasteve të diagnostikuara.