Një aksident trafiku ka ndodhur pasditen e së enjtes në fshatin Rakosh të Komunës së Istogut, ku janë përfshirë dy vetura. Fillimisht nuk kishte informacion të qartë për të lënduarit, por më vonë zëdhënësi i Policisë për Rajonin e Pejës, Driton Rugova, konfirmoi se dy persona kanë pësuar lëndime dhe janë dërguar për trajtim në Spitalin Rajonal të Pejës. Policia ka nisur hetimet për të zbardhur rrethanat që çuan në aksident. Ekipet përkatëse kanë qenë menjëherë në vendin e ngjarjes dhe pritet që të bëhen të ditura detaje të mëtejshme.