Mbrëmjen e 30 korrikut në Shtime janë regjistruar dy incidente të ndara me përdorim të armëve gjatë ahengjeve familjare. Rreth orës 22:30 në fshatin Petrovë, 25-vjeçari Lirim Salihu pranoi se kishte shtënë me armë dhe dorëzoi vullnetarisht një revole “Zoraki MOD 917-T” me dy fishekë. Më vonë, rreth orës 23:25 në rrugën “Fazli Grajqevci”, 27-vjeçari Endrit Jashari dorëzoi një pistoletë me gaz “ZORAKI 917 T” kalibër 9 mm, pas ndërhyrjes së Policisë që kishte marrë informacion për të shtëna në këtë aheng. Për të dy rastet janë njoftuar Prokuroritë e Shtetit dhe janë inicuar hetime për veprat penale të mbajtjes dhe përdorimit të paautorizuar të armëve, ndërsa të dy të dyshuarit janë liruar në procedurë të rregullt.