Ministria e Punëve të Brendshme të Maqedonisë së Veriut njoftoi ndalimin e dy shoferëve të huaj, një nga Serbia dhe një nga Holanda, të cilët u kapën duke tejkaluar shpejtësinë në autostradën A-1 pranë Demir Kapisë. Së pari, një grua 51-vjeçare serbe u ndalua në Kalimin Kufitar Tabanoc pasi u regjistrua duke vozitur me 168 km/h në një zonë ku shpejtësia maksimale është 80 km/h. Më pas, një 32-vjeçar holandez u ndalua në të njëjtin vend duke drejtuar me 177 km/h, gjithashtu në një zonë me kufizim 80 km/h. Të dy shoferët janë privuar nga liria dhe do të përballen me kallëzime penale për drejtim të pakujdesshëm të automjetit, sipas nenit 297-a të Kodit Penal. Kontrolli u bë falë sistemit "Safe City", i cili monitoron shpejtësinë dhe sigurinë në rrugë.