Në orët e para të mëngjesit të 16 qershorit 2026, në rrugën “Brigada 128” në Prizren janë regjistruar dy shpërthime që kanë shkaktuar dëme në një veturë dhe në fasadën e një shtëpie. Pronat e dëmtuara i përkasin dy qytetarëve meshkuj kosovarë, ndërsa fatmirësisht nuk ka persona të lënduar. Në vendin e ngjarjes kanë dalë njësitë policore për të kryer ekzaminimet dhe hetimet për zbardhjen e plotë të rrethanave të shpërthimeve janë në vazhdim. Policia ka bërë me dije se rasti po trajtohet me seriozitet dhe nuk përjashtohet asnjë pistë hetimi.