Dy shtetase të Maqedonisë së Veriut janë arrestuar në Mal të Zi, pasi dyshohet se vodhën katër varëse ari nga një argjendari në qytetin e Igalos. Gratë, të moshave 33 dhe 55 vjeç, hynë në dyqan duke u paraqitur si blerëse të interesuara dhe shfrytëzuan momentin e pakujdesisë së punonjëses për të marrë bizhuteritë pa u vënë re. Pas vjedhjes, ato u larguan, por falë ndërhyrjes së policisë u lokalizuan dhe u arrestuan në një apartament në Herceg Novi. Bizhuteritë e vjedhura u gjetën dhe iu kthyen pronarëve, ndërsa hetimet dhe procedurat ligjore ndaj të dyshuarave vazhdojnë.