Në procesin gjyqësor për sulmin terrorist në Banjskë, dy të akuzuarit Blagoje Spasojeviq dhe Vladimir Toliq kanë vendosur të mbrohen në heshtje dhe nuk do të deklarohen në këtë fazë të procedurës. Ata kanë shfrytëzuar të drejtën ligjore për të mos dhënë mbrojtje, ndërsa avokatët e tyre konfirmuan këtë vendim para gjykatës. I akuzuari i tretë, Dushan Maksimoviq, ka kërkuar shtyrje për dhënien e mbrojtjes, duke argumentuar nevojën për të shqyrtuar materialet e lëndës, përfshirë video-incizimet dhe proceset e dorëzuara. Gjykata aprovuar kërkesën për shtyrje, duke caktuar që Maksimoviq të japë mbrojtjen e tij në një seancë të ardhshme, pasi mbrojtja ka nevojë për konsultime më të thelluara me të akuzuarin.