Mbrëmjen e 22 majit në Leposaviq, dy vajza të mitura kanë raportuar në polici se janë sulmuar fizikisht nga një person me të cilin njëra prej tyre kishte pasur më parë një lidhje. Ngjarja ka ndodhur në rrugën “24 Nëntori” pranë Postës, ndërsa i dyshuari, Nikola Radosavlevic, është larguar nga vendi i ngjarjes dhe aktualisht ndodhet në arrati. Policia ka nisur hetimet dhe po përpiqet ta lokalizojë të dyshuarin, ndërsa viktimat nuk kanë kërkuar trajtim mjekësor për shkak të mungesës së lëndimeve të dukshme. Rasti është iniciuar si “Sulm” me urdhër të Prokurorit kujdestar dhe mbetet nën hetim nga organet kompetente.