Një aksion i njësisë antidrogë në Prizren ka çuar në arrestimin e dy të rinjve, Triti Shahinit dhe Edin Xhabalit, të dyshuar për shpërndarje të substancave narkotike. Ata u kapën në flagrancë më 24 prill 2026 në rrugën “Nazim Buduri”, ku dyshohet se shpërndanin marihuanë si në rrugë, ashtu edhe nga shtëpitë e tyre të afërta. Gjatë bastisjeve janë sekuestruar mbi 20 gramë marihuanë, mbetje të kokainës, para të gatshme, qese për paketim dhe telefona mobil, të gjitha provat u dokumentuan nga njësia e forenzikës. Me vendim të Prokurorit të Shtetit, të dy të dyshuarit janë ndaluar për 48 orë dhe hetimet për këtë rast janë në vazhdim.