Një aksident i rëndë trafiku ka ndodhur në ishullin e Kretës, në zonën e Kolymbarit, ku dy të rinj shqiptarë, 28 dhe 34 vjeç, kanë humbur jetën. Ata po udhëtonin me motoçikletë në autostradën kombëtare kur mjeti ka dalë nga rruga dhe është përplasur me barrierën metalike, duke shkaktuar plagë të rënda. Ekipet e emergjencës i kanë dërguar menjëherë në Spitalin e Hanias, por përpjekjet e mjekëve kanë qenë pa sukses. Policia greke ka nisur hetimet për të zbardhur shkaqet dhe rrethanat e aksidentit tragjik.