Më 21 maj në fshatin Vllashtë të Novobërdës, një person ka dëgjuar dy të shtëna pranë shtëpisë së tij dhe më pas ka gjetur qenin e tij të vrarë rreth 200 metra larg. Ai ka parë gjithashtu një motor sportiv të zi me dy persona të panjohur dhe me helmeta në kokë që largoheshin nga vendi i ngjarjes. Në vendin e ngjarjes policia ka gjetur dy gëzhoja të armës së kalibrit të vogël dhe ka nisur hetimet për shkaktim të rrezikut të përgjithshëm, me urdhër të Prokurorit të Shtetit. Rasti është ende në hetim dhe autorët nuk janë identifikuar, ndërsa policia po vazhdon punën për zbardhjen e plotë të ngjarjes.