Ishulli grek i Kretës u godit sot nga dy tërmete me magnitudë 4.6 dhe 5.3 ballë, të ndodhura me disa minuta diferencë. Epiqendra e dridhjeve ishte në një thellësi prej 14 kilometrash nën det, pranë ishullit të Gavdos në jug të Kretës. Tërmetet u ndjenë në të gjithë ishullin, përfshirë qytetet Rethimnos dhe Hania, duke shkaktuar shqetësim mes banorëve dhe turistëve. Si masë paraprake dhe për shkak të rrezikut të rrëshqitjes së dheut, autoritetet evakuuan urgjentisht turistët, ndërsa policia greke vazhdon patrullimet pa raportime për dëme materiale deri tani.