Dy turistë që eksploronin malin e Çikës humbën orientimin dhe nuk arritën të gjenin rrugën e kthimit. Ata dërguan një sinjal SOS për ndihmë, duke alarmuar autoritetet për situatën e tyre të vështirë. Menjëherë pas marrjes së sinjalit, në zonë u nisën grupet e shpëtimit të Administratës së Zonave të Mbrojtura në bashkëpunim me Policinë. Operacioni i kërkim-shpëtimit është në zhvillim e sipër, ndërsa ekipet po përpiqen të lokalizojnë vendndodhjen e saktë të turistëve për t’i shpëtuar.