Në Krujë janë regjistruar dy vatra të vogla zjarri në zonën mbi lagjen Abaze, ku autoritetet kanë nisur menjëherë ndërhyrjen për shuarjen e tyre. Bashkia njofton se gjatë ditës do të ndërhyhet edhe në zonën pyjore për të siguruar shuarjen e plotë dhe për të parandaluar riaktivizimin e zjarreve të tjera. Aktualisht, situata nuk paraqet rrezik për banorët apo zonat e banuara, por autoritetet vazhdojnë monitorimin intensiv në terren. Megjithatë, situata konsiderohet e paparashikueshme, duke kërkuar vigjilencë të shtuar për të shmangur përhapjen e zjarrit.