Numri i viktimave nga aksidenti i rëndë në rrugën Pejë-Klinë, në fshatin Jabllanicë të Leshanit, është rritur në dy persona. Gruaja që kishte marrë lëndime të rënda në këtë ngjarje tragjike nuk ka arritur t’u mbijetojë plagëve dhe ndërroi jetë në orët e para të mëngjesit, ndërsa trupi i saj është dërguar për obduksion në Institutin e Mjekësisë Ligjore. Lajmin e ka konfirmuar zëdhënësi i Policisë për rajonin e Pejës, Fadil Gashi, i cili njoftoi se rasti po hetohet për të sqaruar të gjitha rrethanat që çuan në aksident. Policia vazhdon hetimet për të zbardhur plotësisht ngjarjen dhe për të marrë përgjegjësitë e mundshme.