Gjatë natës së 3 korrikut janë regjistruar dy raste të dyshuara të zjarrvënies së qëllimshme ndaj veturave në Lipjan dhe në rrugën Prishtinë–Fushë Kosovë. Në fshatin Rubovc i Madh, persona të panjohur hodhën një shishe me benzinë në oborrin e një shtëpie, duke dëmtuar një veturë, pa shkaktuar lëndime personale. Rasti tjetër ndodhi rreth orës 00:20, kur dy persona me biçikletë iu afruan një automjeti dhe i vunë flakën me një lëng të dyshuar benzinë, ndërhyrja e zjarrfikësve ishte vendimtare për shuarjen e zjarrit. Policia e Kosovës ka nisur hetimet dhe është në kërkim të personave të dyshuar, ndërkohë që nuk ka arrestime deri tani.