Në komunat me shumicë serbe në veri të Kosovës janë vërejtur shenja të pazakonta si “=”, “%” dhe simbole të tjera në disa fletëvotime, duke ngritur dyshime për plotësim të kontrolluar dhe parregullsi gjatë procesit zgjedhor. Prokuroria Themelore ka njoftuar Prokurorin e Shtetit dhe ka autorizuar Policinë e Kosovës për mbledhjen e informatave dhe verifikimin nëse ka elemente të veprës penale lidhur me këto dyshime. Burimet bëjnë me dije se janë evidentuar ngjashmëri në nënshkrime dhe mënyrën e plotësimit të fletëvotimeve, duke ngritur dyshime se ato mund të jenë plotësuar nga një dorë e vetme. Gjithashtu, pritet vendimi i Panelit Zgjedhor për Ankesa dhe Parashtresa për hapjen e kamerave të sigurisë në qendrat e votimit, me qëllim verifikimin e këtyre dyshimeve gjatë procesit zgjedhor.